iMINDSPH
Isa ang patay at apat na miyembro ng Armed Lawless Group ang arestado sa ikinsang Joint Law Enforcement Operation sa Datu Hoffer, Maguindanao del Sur.
Ito ang kumpirmasyon mula kay 6th Infantry Division Commander Major General Antonio Nafarrete.
Ang Joint Law Enforcement Operations ay pinangunahan ng 40th Infantry Battalion katuwang ang Datu Hoffer Municipal Police Station madaling araw ng Miyerkules sa Barangay Labu-Labu 1, Datu Hoffer, Maguindanao del Sur.
Kinilala ni 40IB Commanding Officer, Lt. Col. Ronaldo Mamangun, ang nasawi na si alyas Kagui Ramson/Kagui Mike
Narekober din ng otoridad ang mga armas na kinabibilangan ng isang Cal .30 Rifle, isang M14 Rifle, dalawang M16A1 Rifle, isang XM15 Rifle, dalawang Cal .45 Pistol, dalawang bandolier, mga magazine at bala.
Sinabi ng heneral na ang nasawi ay suspek sa pagpatay kay Kagawad Toto Gogo Kensa ng Labu-labu 1 at suspek din ito sa grenade throwing incident sa bahay ni Barangay Tuayan 1 Chairman Norodin Lakman Ampatuan.
Sinabi ni Datu Hoffer Municipal Police Chief, PLt. Albert Pansoy, nasa kanilang kustodiya na ang apat na naaresto at inihahanda na ang mga kaukulang kaso laban sa mga ito
Comments