11 indibidwal kabilang na ang isang drug maintainer, arestado sa buy-bust operation ng PDEA Sulu sa bayan ng Indanan

iMINDSPH

Tiklo ang tinukoy ng PDEA Sulu na drug maintainer na si alyas “Alin” 45 years old at ang sampu pang inbidwal sa ikinasang buy-bust operation sa Barangay Kagay, Indanan, Sulu, araw ng Lunes, February 17.

Kinilala ang sampu pang naaresto na sina Alyas ‘Son’, Alyas ‘Ben’, Alyas ‘Alex’, Alyas ‘Sam’, Alyas ‘Al’, Alyas ‘Moh’, Alyas ‘Fai’, Alyas ‘Dar’, Alyas ‘Al’, at Alyas ‘Lyka’.

Nakuha ng PDEA Sulu sa operasyon ang apat na heat-sealed sachets na naglalaman ng suspected shabu at tumitimbang ng 10 gramo at may estimated street value na ₱68,000.

Nasamsam din sa operasyon ang tatlong piraso ng heat-sealed transparent plastic sachets na naglalaman ng dried marijuana leaves, at may timbang na limang gramo, iba’t ibang drug paraphernalia, buy-bust money, at isang mobile phone.

Sinira din ng otoridad ang isang drug den sa lugar.

Nasa kustodiya na ng Indanan Municipal Police Station ang mga naaresto habang hinihintay ang inquest proceedings sa kasong paglabag sa Republic Act No. 9165, as amended by Republic Act No. 10640, o ang Comprehensive Dangerous Drugs Act of 2002.