iMINDSPH
Tiklo ang isang “Alot”, na sinasabing drug den maintainer, alyas “Bogart”, drug den employee at isang alyas “Radnie” na bisita sa lugar sa isinagawang buy-bust operation sa Purok 1, Barangay Pangibiran, Mabini, Davao de Oro, a-29 ng Marso.
Ayon sa PNP PRO 11, nakaranas ng paninikip ng dibdib si alyas “Radnie” kaya agad na dinala sa pagamutan pero dineklara itong dead on arrival ng attending physician ayon sa report.
Nasamsam sa operasyon ang 102,000 pesos na halaga ng suspected shabu.
Nasa kustodiya naman ng Mabini Municipal Police ang iba pang naarestong indibidwal para sa paghahain ng kaso.
Katuwang ng Mabini Municipal Police sa operasyon ang 1101st Maneuver Company Regional Mobile Force Battalion 11, 2nd Davao de Oro Provincial Mobile Force Company sa pakikipagtulungan ng Philippine Drug Enforcement Agency Davao de Oro.
Komentarze