Bagong public market ng Pandag, Maguindanao del Sur bukas na sa publiko kasabay ng 18th founding anniversary ng bayan

iMINDSPH

Bukas na rin ang bagong Public Market sa bayan ng Pandag na isa sa mga highlights ng ika-labing walong taong pagkakatatag ng bayan.

Pinangunahan ni Governor Bai Mariam Sangki-Mangudadatu ang ribbon cutting ng gusali na guest of honor din ng selebrasyon.

Hangad ng gobernador na magamit ng lahat ng mamamayan ng bayan ang nasabing gusali.

Sumasalamin ayon sa pamahalaang panlalawigan ng isang progresibong bayan ang makulay at masiglang pagdiriwang sa pamumuno ni Mayor Mohajeran Balayman.