VICE MAYOR BUTCH ABU, KINONDENA ANG ANIYA’Y KAWALAN NG RESPETO NI MAYOR BRUCE MATABALAO SA INSTITUSYON NG SANGGUNIANG PANLUNGSOD

iMINDSPH

Kinondena ni Cotabato City Vice Mayor Butch Abu ang aniya’y kawalan ng respeto ni Mayor Bruce Matabalao sa institusyon ng Sangguniang Panlungsod.

Sa opisyal na pahayag ni Cotabato City Vice Mayor Butch Abu, sinabi nito na

Ang mga pangyayari kahapon ng umaga sa loob aniya ng sagradong session hall ng Sangguniang Panlungsod (SP) ay 𝗵𝗶𝗻𝗱𝗶 𝗹𝗮𝗺𝗮𝗻𝗴 𝗹𝗮𝗻𝘁𝗮𝗿𝗮𝗻𝗴 𝗸𝗮𝘄𝗮𝗹𝗮𝗻 𝗻𝗴 𝗿𝗲𝘀𝗽𝗲𝘁𝗼 𝘀𝗮 𝗺𝗴𝗮 𝗺𝗶𝘆𝗲𝗺𝗯𝗿𝗼 𝗻g konseho 𝗸𝘂𝗻𝗱𝗶 𝗶𝘀𝗮 𝗿𝗶𝗻 aniya 𝗶𝘁𝗼𝗻𝗴 𝗽𝗮𝗴𝗯𝗮𝗹𝗶𝘄𝗮𝗹𝗮 𝘀𝗮 𝗶𝗻𝗱𝗲𝗽𝗲𝗻𝗱𝗲𝗻𝘀𝗶𝘆𝗮 𝗻𝗴 𝗞𝗼𝗻𝘀𝗲𝗵𝗼.

Ayon sa bise alkalde, nagsimula ang sesyon ng 9:20 ng umaga kahapon kung saan si Konsehal Kusin Taha ang naupong presiding officer, ngunit dahil lima lamang ang nakadalo na konsehal sa sesyon ay nag-recess muna ang konseho bandang 9:30 upang mag-antay sa pagdating ng ilan pang miyembro ayon sa pahayag.

Bandang 9:34 ay nagpatuloy ang sesyon, subalit kulang pa din ang dami ng mga miyembro ng konseho upang maka-buo ng quorum. 𝗞𝗮𝘆𝗮 𝗮𝘆 𝗻𝗮𝗴-𝗮𝗱𝗷𝗼𝘂𝗿𝗻 aniya 𝗮𝗻𝗴 𝗸𝗼𝗻𝘀𝗲𝗵𝗼 𝗯𝗮𝗻𝗱𝗮𝗻𝗴 9:35.

Ayon sa pahayag, bago ang adjournment ay nag-manifesto si Con. Taha na ang mga imbitadong department heads ay maimbitahan muli sa sesyon sa susunod na linggo.

Ayon sa pahayag, 10:08 nang umaga kahapon, 𝗮𝘆 𝘄𝗮𝗹𝗮𝗻𝗴-𝗵𝗮𝗯𝗮𝘀 aniyang 𝗽𝗶𝗻𝗮𝘀𝗼𝗸 𝗻𝗶 𝗠𝗮𝘆𝗼𝗿 𝗠𝗮𝘁𝗮𝗯𝗮𝗹𝗮𝗼 𝗮𝗻𝗴 𝘀𝗲𝘀𝘀𝗶𝗼𝗻 𝗵𝗮𝗹𝗹 𝗻𝗴 𝗞𝗼𝗻𝘀𝗲𝗵𝗼 𝗸𝗮𝗵𝗶𝘁 𝗻𝗮 𝘄𝗮𝗹𝗮 𝗻𝗮𝗺𝗮𝗻 𝗱𝗼𝗼𝗻 𝗮𝗻𝗴 𝗺𝗴𝗮 𝗸𝗼𝗻𝘀𝗲𝗵𝗮𝗹 at tanging si Councilor 𝗣𝗼𝗽𝗼𝘆 𝗙𝗼𝗿𝗺𝗲𝗻𝘁𝗼 𝗹𝗮𝗺𝗮𝗻𝗴 aniya ang naiwan 𝗱𝗮𝗵𝗶𝗹 𝗮𝗱𝗷𝗼𝘂𝗿𝗻𝗲𝗱 𝗻𝗮 𝗮𝗻𝗴 𝘀𝗲𝘀𝘆𝗼𝗻.

Ayon sa opisyal, ang pagasawa ng press conference ni Mayor Matabalao ay isang kawalan ng respeto.

Pinasinungalinga din sa pahayag na tanging si Councilor Formento lamang ang dumalo sa sesyon.

Ayon sa pahayag ng bise alkalde-

Si Councilor Kusin Taha ay ang mismong naupong presiding officer at naroon din aniya sina Councilor Hyunin Abu, Con. Japal Guiani III, Danda Juanday at Popoy Formento.

Ayon sa bise alkade, susuriin niyang maigi ang mga ginawa aniyang karahasan ni Mayor Matabalao sa konseho sa Code of Conduct and Ethical Standards for Public Officials.

Giit ng bise alkalde, ang 𝗦𝗮𝗻𝗴𝗴𝘂𝗻𝗶𝗮𝗻𝗴 𝗣𝗮𝗻𝗹𝘂𝗻𝗴𝘀𝗼𝗱 𝗮𝘆 𝗰𝗼-𝗲𝗾𝘂𝗮𝗹 𝗻𝗴 𝗘𝘅𝗲𝗰𝘂𝘁𝗶𝘃𝗲 𝗗𝗲𝗽𝗮𝗿𝘁𝗺𝗲𝗻𝘁.