25-anyos na lalaki mula sa Digos City, arestado sa Kidapawan City, Cotabato sa kasong carnapping

IMINDSPH

Sa Kidapawan City, Cotabato-

Arestado ang isang 25-anyos na lalaki sa kasong carnapping.

Kinilala ang naaresto na si alyas "Mik", may asawa, self-employed, at residente ng Purok San Francisco, Barangay Tres de Mayo, Digos City.

Inaresto ang suspek sa bisa ng Warrant of Arrest para sa Paglabag sa RA 10883 o ang New Anti-Carnapping Act of 2016.

Inirekomenda ng korte ang piyansa na nagkakahalaga ng ₱300,000.00.

Nasa kustodiya na ngayon ng Kidapawan City Police ang suspek para sa tamang disposisyon, habang inihahanda ang pormal na pagsasampa sa korte.