Tubong Maguindanao del Norte, nagtapos ng Cum Laude sa Yale University sa United States at nakamit ang dual degrees sa BS Physics at BS Mathematics sa ilalim ng full scholarship program

IMINDSPH

Umukit ng kasaysayan si Nathan Wayne Ariston mula sa Maguindanao del Norte bilang kauna-unahang nagtapos ng Cum Laude sa Yale University sa United States sa ilalim ng full scholarship program.

Nakamit nito ang dual degrees sa Bachelor of Science in Physics at Bachelor of Science in Mathematics.

Tinanggap din ni Nathan Wayne ang prestiyusong Howard L. Shultz Prize, na ibinibigay sa mga mag-aaral na nagpakita ng kahusayan at inventiveness, tulad ng galing ni Professor Shultz.

Nagbigay din ito ng karangalan sa bansa nang makamit nito ang silver medal sa International Earth Science Olympiads sa Daegu, South Korea, at bronze medal sa 2020 International Chemistry Olympiad sa Istanbul, Turkey.