4 INDIBIDWAL KABILANG NA ANG ISANG BABAE NA UMANO’Y DRUG DEN MAINTAINER, ARESTADO SA BUY-BUST OPERATION SA DOS, MDN; P170K HALAGA NG ILIGAL NA DROGA, NASAMSAM SA OPERASYON!

iMINDSPH

Tiklo ang 56-anyos na kinilala ng PDEA BARMM na si Baiwata sa ikinasang buy-bust operation sa Sitio Broce, Zone 4, Barangay Tamontaka, Datu Odin Sinsuat, Maguindanao Del Norte a-28 ng Nobyembre.

Sinabi ng PDEA BARMM na isa itong drug den maintainer. Huli din ang kasama nito na si alyas “Jack”, 35-anyos, alyas “Jeff”, at ang 20-anyos na si alyas “Jehad”.

Sinira rin ng PDEA BARMM ang drug den sa lugar.

Sa report ng PDEA BARMM, nasamsam sa operasyon ang apatnapu’t dalawang sachets ng methamphetamine hydrochloride o Shabu na tumitimbang ng 25 grams at nagkakahalaga ng ₱170,000.00.

Nakumpiska rin sa operason ang buy-bust money, dalawang mobile phone, at assorted drug paraphernalia.

Nakapiit na sa PDEA BARMM Jail Facility ang mga naaresto habang hinihintay ang inquest proceeding sa kasong paglabag sa RA 9165 o ang Comprehensive Dangerous Drugs Act of 2002.