COTABATO CITY, 3 BESES NAGPALIT NG DIRECTOR NGAYONG TAON; BAGONG DIRECTOR NG MAGSUR, UMUPO NA RIN SA PWESTO

iMINDSPH

Tatlong beses nagpatupad ng balasahan ang PNP PRO BAR sa Cotabato City PNP ngayong taon.

Pang-apat na director ng Cotabato City Police Office si PCol Jibin Bongcayao ngayong 2024.

Second quarter ngayong taon nang palitan ni PCol. Joel Estaris si Police Col Querubin Manalang Jr.

Hindi pa man umabot ng anim na buwan, pumalit naman kay PCol. Estaris si PCol Michael John Mangahis.

At kahapon, panibagong turn over ceremony ang isinagawa sa PNP PRO BAR kung saan umupo bilang bagong director ng Cotabato City Police Office si PCol Jibin Bongcayao kapalit ni PCol Mangahis.

Bukod sa Cotabato City Police Office-

Nagpatupad din ng balasahan ang PNP PRO BAR sa Maguindanao del Sur Provincial Police Office kung saan umupo si PCol Ryan Bobby Paloma bilang Acting Provincial Director ng Maguindanao del Sur Provincial Police Office kapalit ni Police Col. Roel Sermese.