Cotabato City Mayor Bruce Matabalao at 4 pang opisyal ng city hall, sinampahan ng complaint sa tanggapan ng Ombudsman kaugnay sa plunder, malversation at falsification of public documents

iMINDSPH

Isinampa sa tanggapan ng Ombudsman ang complaint hinggil sa plunder, malversation at falsification of public documents sa Ombudsman laban kay 𝐂𝐨𝐭𝐚𝐛𝐚𝐭𝐨 𝐂𝐢𝐭𝐲 𝐌𝐚𝐲𝐨𝐫 𝐁𝐫𝐮𝐜𝐞 𝐌𝐚𝐭𝐚𝐛𝐚𝐥𝐚𝐨, 𝐏𝐫𝐢𝐦𝐢𝐭𝐢𝐯𝐨 𝐆𝐥𝐢𝐦𝐚𝐝𝐚 𝐉𝐫., 𝐚𝐧𝐠 𝐀𝐜𝐜𝐨𝐮𝐧𝐭𝐚𝐧𝐭 𝐧𝐠 𝐂𝐨𝐭𝐚𝐛𝐚𝐭𝐨 𝐂𝐢𝐭𝐲, 𝐓𝐞𝐝𝐝𝐲 𝐈𝐧𝐭𝐚, 𝐚𝐧𝐠 𝐓𝐫𝐞𝐚𝐬𝐮𝐫𝐞𝐫 𝐧𝐠 𝐥𝐮𝐧𝐠𝐬𝐨𝐝, 𝐑𝐞𝐠𝐢𝐧𝐚 𝐃𝐞𝐭𝐚𝐥𝐥𝐚, 𝐚𝐧𝐠 𝐁𝐮𝐝𝐠𝐞𝐭 𝐎𝐟𝐟𝐢𝐜𝐞𝐫 𝐧𝐠 𝐬𝐲𝐮𝐝𝐚𝐝, 𝐚𝐭 𝐌𝐚 𝐀𝐝𝐞𝐥𝐚 𝐅𝐢𝐞𝐬𝐭𝐚, 𝐚𝐧𝐠 𝐏𝐥𝐚𝐧𝐧𝐢𝐧𝐠 𝐚𝐧𝐝 𝐃𝐞𝐯𝐞𝐥𝐨𝐦𝐞𝐧𝐭 𝐂𝐨𝐨𝐫𝐝𝐢𝐧𝐚𝐭𝐨𝐫 𝐧𝐠 𝐂𝐨𝐭𝐚𝐛𝐚𝐭𝐨 𝐂𝐢𝐭𝐲.

Sa nakuhang dokumento ng iMINDS Philippines-

Ang reklamo ay isinampa nina Cotabato City Councilors of the Bangsamoro Autonomous Region in Mindanao (BARMM) Marouf A. Pasawiran, Abdulrakim O. Usman, Hunyn C. Abu, Kusin S. Taha, Henjie M. Ali, and Datu Noriel A. Pasawiran; at Mohamad L. Abubakar, Tato G. Esmail, Al-Jehad A. Tantungm, and Zhoher N. Anggar, mga residente ng lungsod.

Nanawagan ang mga naghain ng reklamo kaugnay sa P89.41- million kasong plunder laban sa alkalde at sa 4 na iba pang matataas na opisyal ng City Hall na madaliin ang pag- iimbestiga upang maliwanagan umano ang mga botante sa darating na lokal na halalan sa Mayo.

Nahaharap sa paglabag sa Republic Act 7080, or anti-plunder law, si Mayor Matabalao sa isang reklamo na nakabimbin sa Tanggapan ng Ombudsman mula Agosto 30, 2024.

Ang mga respondent ay inakusahan din ng paglabag sa Revised Penal Code dahil sa malversation sa ilalim ng Article 217, at falsification of public documents sa ilalim naman ng Article 171.

Sinabing nag-ugat ang kaso sa hindi maipaliwanag na pagkawala ng P81.421 milyong pondo para sa mga inaprubahang proyekto ng City Council sa ilang bahagi ng pautang na natanggap mula sa Development Bank of the Philippines na inaming natanggap umano ng alkalde mula ng manungkulan ito noong 2022.

Nakasaad din sa nakuhang dokumento ng newsteam ang sinasabing Statement of Indebtedness declaration for 2022 at 2023 ng alkalde sa Cotabato City Council, na nakabayad na ng P52,599,083.32 sa principal na utang sa DBP mula sa inilabas na pondo ng lungsod na nagkakahalaga ng P118,534,198.69 million.

Sinabi din na Idineklara umano ni Mayor Matabalao na savings ang natirang halaga at gamitin ito sa iba pang proyekto ng lokal na pamahalaan, na sinang- ayunan naman ng konseho.

Subalit base sa DBP statement, P29,118,716.69 lamang ang naibayad, kaya may nawawala ang P89,415,481.

Binanggit din ng mga naghain ng reklamo ang malaking pagbabago sa pamumuhay ng alkalde at kanyang mga kamag-anak, kasama na ang pagpagawa ng mamahaling bahay at pagsuot ng mga mamahaling personal items.

Sa dokumento, hiniling ng mga nagreklamo na agarang suspindihin ang alkalde at si Glimada kung mapapatunayan ang mga bintang upang maiwasan ang pagkawala o pagkasira ng mga ebidensiya laban sa mga ito.