DATING PD NG MAGUINDANAO DEL NORTE NA SI PCOL. SULTAN SAPAL, UMUPO NA BILANG PRO BAR RMFB 14 COMMANDER

iMINDSPH

Inilipat na kay PCOL Sultan Sapal ang pamumuno sa Regional Mobile Force Battalion 14-A mula kay PLtCol Argel Ancheta.

Isinagawa ang turn over ceremony araw ng Sabado, November 30 sa Multi-Purpose Center, Camp BGen Salipada K. Pendatun, Parang, Maguindanao del Norte.

Pinangunahan ito ni PRO BAR Regional Director Police Brigadier General Romeo Macapaz. Pinasalamatan ng heneral ang outgoing commander sa dedikasyon at kontribusyon nito sa RMFB 14-A at binati si PCol Sapal sa kanyang bagong tungkulin at binibigyang-diin ang kahalagahan ng liderato sa RMFB 14-A sa pagpapaunlad ng kapayapaan, seguridad, at pag-unlad sa komunidad ng Bangsamoro.