High Value Individual sa Davao Region, himas rehas matapos maaresto sa buy-bust operation sa Digos City, kung saan nasamsam ang mahigit P300k na halaga ng suspected shabu

iMINDSPH

Timbog ang isang alyas “Ta” sa isinagawang buy-bust operation sa Purok Santan, Luna Ext., Brgy. Zone III, Digos City, Davao del Sur a-23 ng Enero.

Ang naaresto ay Top 3 High Value Individual ng rehiyon.

Nakumpiska sa operasyon ang Php 388,280 na halaga ng suspected shabu, bag, at cellphone.

Pinuri naman ni PRO 11 Regional Director, PBgen Leon Victor Rosete ang matagumpay na operasyon na inilunsad ng Regional Police Drug Enforcement Unit XI katuwang ang mga elemento ng Digos City Police Station, Provincial Drug Enforcement Unit-Davao del Sur, at Philippine Drug Enforcement Agency (PDEA) - Davao del Sur.