Motorcycle enthusiast sa Cotabato City at Maguindanao, patay sa pamamaril sa bayan ng Datu Odin Sinsuat

iMINDSPH

Binaril at napatay sa trail area ng Datu Odin Sinsuat, Maguindanao del Norte ang kilalang motorcycle enthusiast na si Christopher “Boyet” Lu.

Ang biktima ay 47-anyos at residente ng Sitio Lomboy, Barangay Awang, Datu Odin Sinsuat, Maguindanao del Norte

Naganap ang pamamaril alas 9:30 kahapon ng umaga sa Sitio Dungus ng nasabing barangay.

Alas 4:30 na ng hapon natanggap ng otoridad ang ulat hinggil sa insidente.

Ayon sa otoridad, pumunta sa lugar ang biktima nang mag-isa. Ayon sa kanilang imbestigasyon, binaril ang biktima ng hindi pa kilalang mga suspek.

Natagpuan sa lugar ang bangkay nito at ang kanyang pang off-road motorcycle.

Labing walong basyo ng 5.56 caliber ammunition ang narekober sa crime scene.

Hindi pa natutukoy ng otoridad ang mga suspek sa pamamaril at motibo sa krimen.