PDEA BARMM, ITINANGGI NA MGA TAUHAN NILA ANG TINAMBANGAN SA LAMITAN CITY, BASILAN; AHENSIYA, MARIIN NA KINONDENA ANG AMBUSH

iMINDSPH

Naglabas ng official statement si PDEA BARMM Regional Director Gil Castro hinggil sa nangyaring ambush sa Lamitan City, Basilan, kagabi.

Ayon sa opisyal, hindi nila mga tauhan ang mga biktima taliwas sa mga kumakalat na impormasyon sa social media.

Mahigpit naman na kinondena ng PDEA BARMM ang ambush. Nagpaabot din ang ahensiya ng pakikiramay sa pamilya ng mga biktima.

Hinimok din ng PDEA BARMM ang sinumang may impormasyon kaugnay sa insidente na lumantad at tumulong sa imbestigasyon.

Base sa report tatlo ang nasawi sa pananambang.