Project officers at representatives mula sa University of the Philippines Mindanao Livelihood Improvement through Facilitated Extension o LIFE project, nagcourtesy visit sa MOLE

iMINDSPH

Nakipagpulong kay MOLE Minister Muslimin Sema ang Project officers at representatives mula sa University of the Philippines Mindanao Livelihood Improvement through Facilitated Extension o LIFE project, a-11 ng Abril.

Ang proyekto na pinondohan ng Philippine Council for Agriculture, Aquatic, and Natural Resources Research and Development (PCAARRD),ay naglalayong mapalawak ang paggamit ng LIFE model bilang isang agro-extension strategy sa conflict-vulnerable areas sa Mindanao tulad ng probinsiya ng Zamboanga Sibugay, South Cotabato, at Maguindanao del Norte.

Ang Barangay Bungabong sa Sultan Mastura ang isa sa mga program partner communities ng proyekto at target areas para mapahusay ang agricultural livelihood at peace and order situation.

Ibinahagi naman ni Minister Sema ang iba’t ibang programa at serbisyo na alok ng MOLE lalo na para sa mga asosasyon ng mga manggagawa o magsasa at informal sector.

Nagbahagi rin ng kanyang insights si LIFE Program Leader at UP Mindanao School of Management Dean, Aurelia Luzviminda Gomez, gayundin sa update ng project at inihayag ang suporta ng UP Mindanao sa mga programa ng MOLE at iba pang ahensiya sa BARMM.