PROPOSED BUDGET NG MIPA PARA SA FISCAL YEAR 2025 NA NAGKAKAHALAGA NG P142M, APRUBADO NA NG COMMITTEE ON FINANCE, BUDGET AND MANAGEMENT NG BTA

iMINDSPH

Aprubado na ng Committee on Finance, Budget, and Management ng BTA, ang 142 million pesos na proposed budget ng Ministry of Indigenous Peoples Affairs o MIPA para sa fiscal year 2025.

Hangad ng ministry na palakasin ang mga hakbang na nagsusuporta sa kapakanan at karapatan ng mga Indigenous Cultural Communities o ICC at Indigenous Peoples o IP sa buong rehiyon ng BARMM.

Kukunin mula sa proposed budget ang pondo para sa mga programa hinggil sa land tenure security, ancestral domain management, conflict resolution, governance support, promotion ng indigenous rights, at legal aid services.

Kabilang din ang pinaigting na information campaigns upang mapataas ang antas ng kamalayan hinggil sa ancestral domain rights, youth empowerment initiatives, at legal assistance for IPs.