SPECIAL SECURITY TASK GROUP NG PRO BAR, IDINEPLOY NA SA SPECIAL GEOGRAPHIC AREA NA TUTUTOK SA PEACE AND SECURITY SA 8 BAGONG TATAG NA BAYAN SA LUGAR

iMINDSPH

Pormal na idineploy ng PNP PRO BAR ang Special Security Task Group sa Special Geographic Area na tututok sa seguridad at kaayusan sa mga bayan ng Pahamuddin, Kadayangan, Nabalawag, Malidegao, Tugunan, Ligawasan, Old Kaabakan, at Kapalawan.

Isinagawa ang send-off ceremony araw ng Biyernes, November 29 sa PRO BAR Grandstand, Camp BGen Salipada K. Pendatun, Parang, Maguindanao del Norte.

Itinalaga naman bilang ground commander si PCol. Joel Estaris, ang acting provincial police director ng Maguindanao del Norte.

Itinurn-over naman ang mga personnel kay PMaj Japet Gutierrez, ang Company Commander ng 1405th RMFB 14-A.