Top 7 Most Wanted ng rehiyon dose na nahaharap sa kasong rape, arestado sa Camarines Sur

iMINDSPH

Arestado sa Camarines Sur ang isang security guard na Top 7 Most Wanted ng rehiyon dose na nahaharap sa kasong rape.

Kinilala ang suspek na si alyas “Garvie”, 51 years old na naninirahan na sa Zone 3, Barangay La Victoria, Bula, Camarines Sur.

Ang pag aresto sa suspek ay pinangunahan ng Bula Municipal Police Station, Camarines Sur Police Provincial Office sa pakikipagtulungan ng 2nd Provincial Mobile Force Company ng CSPPO, Criminal Investigation and Detection Group Sultan Kudarat Provincial Field Unit, at Lebak Municipal Police Station ng Sultan Kudarat Police Provincial Office Police Regional Office 12.

Inaresto ito sa bisa ng Warrant of Arrest na inisyu ng Regional Trial Court, 12th Judicial Region, Branch 19, Isulan, Sultan Kudarat, na may petsa na May 16, 2024.

Walang inirekomendang piyansa ang korte.

Nasa kustodiya na ng Bula Municipal Police Station ang naaresto para sa proper disposition at legal proceedings.