Tulong sa mga binahang residente ng General Salipada K. Pendatun, patuloy na hatid ng provincial government ng Maguindanao del Sur

iMINDSPH

Kamakailan, isinagawa ang pamamahagi ng relief assistance sa mga pamilyang apektado at nawalan ng tirahan dahil sa pagtaas ng tubig sa bayan ng General Salipada K. Pendatun, Maguindanao del Sur.

Sa direktiba ni MDS Governor Datu Ali Midtimbang, namahagi ng mga food packs sa mga apektadong residente ang Provincial Disaster Risk Reduction and Management Office katuwang ang Department of Social Welfare and Development Region XII at ang Municipal Government of General S.K. Pendatun sa pamamagitan ng Municipal DRRM Office.

Ang nasabing aktibidad ay naisakatuparan sa tulong at koordinasyon ng mga tauhan mula sa Philippine National Police at Bureau of Fire Protection upang matiyak na agarang makarating sa mga nangangailangan ang tulong.