VICE MAYOR NG MARAWI CITY, ARESTADO SA KASONG MURDER; BISE ALKALDE, INARESTO SA COMPOUND MISMO NG MARAWI CITY HALL

iMINDSPH

VIDEO COURTESY: Marawi City Bayan Patrol

Isinilbi ng mga elemento ng National Bureau of Investigation -NCR ang Warrant of Arrest sa kasong murder laban sa Vice Mayor ng Marawi City na si Annouar Romuros Abedin Abdulrauf, alas 9:30 ng umaga, araw ng Lunes, December 2 sa compound ng Marawi City Hall.

Pinangunahan ito ni Atty. Jonathan George Atienza sa pakikipagtulungan ng 1st Provincial Mobile Force Company, 1403rd Regional Mobile Force Company, 1402nd RMFC, at 45th Special Action Company, SAF.

Ang Warrant of Arrest sa kasong murder na may criminal case no. C-11215-16 ay inisyu ni Ma Rowena Violago Alejandria, Presiding Judge, ng RTC, NCR, Branch 121-Caloocan City.

Ang akusado ay ituturn over sa RTC NCR, Branch 121-Caloocan City.