₱2.03M suspected shabu, nasamsam ng awtoridad sa buy-bust operation sa Marawi City, Lanao del Sur

iMINDSPH

Arestado ang dalawang suspek at mahigit ₱2.03 milyon na halaga ng hinihinalang shabu ang nasamsam sa isang buy-bust operation

Ikinasa ang operasyon alas-3:00 ng hapon, araw ng Biyernes, August 8 sa Barangay Matampay, Marawi City.

Nakumpiska mula sa mga suspek ang tatlong knot-tied transparent plastic sachets na naglalaman ng pinaniniwalaang shabu.

Tumitimbang ito ng mahigit kumulang 299.4 gramo at tinatayang nagkakahalaga ng ₱2,035,920.00.

Agad dinala sa Marawi City Police Station ang mga suspek at ang nakuhang ebidensya para sa documentation at paghahain ng mga kaukulang kaso sa ilalim ng Republic Act 9165 o Comprehensive Dangerous Drugs Act of 2002.