30-anyos na lalaki, arestado sa buy-bust operation sa Barangay Tambo, Sultan Mastura, Maguindanao del Norte

iMINDSPH

Timbog ang isang 30-anyos na drug personality sa isinagawang buy-bust operation.

Kinilala ang suspek sa alyas na “Tammy Boy”, residente sa nabanggit na lugar.

Inaresto siya alas 9:40 ng gabi, November 11.

Positibong nabilhan ng hinihinalang shabu ang suspek ng isang pulis na nagpanggap na poseur buyer.

Nakumpiska sa operasyon ang pitong piraso ng heat-sealed transparent plastic sachet na naglalaman ng suspected shabu, tumitimbang ng 2.5 gramo at may tinatayang market value na ₱17,000.00.

Ang suspek ay nasa kustodiya na ng Sultan Mastura MPS para sa booking at documentation.

Habang ang nakuhang ebidensiya ay ipapadala sa RFU-BAR para sa qualitative at quantitative examination.

Sasampahan naman ang suspek ng kasong paglabag sa Sections 5, 11, 12, at 15 ng Article II ng R.A. 9165 o ang Comprehensive Dangerous Drugs Act of 2002.