42-anyos na lalaki sa Cotabato City, arestado matapos umanong mabilhan ng suspected shabu ng isang pulis na nagpanggap na poseur buyer

iMINDSPH

Kinilala ang suspek na si alyas “Lu” residente ng Atienza Street Barangay Martinez, Poblacion 4, Cotabato City

Ayon sa report ng otoridad, inaresto ito matapos umanong mabilhan ng isang pulis na nagpanggap na poseur buyer ng isang sachet na naglalaman ng pinaniniwalaang shabu, ala 7:00 ng gabi, araw ng Huwebes, April 3 sa nasabing barangay.

Ang sinabing iligal na droga ay tumitimbang ng 0.11 grams na nagkakahalaga ng 748 pesos.

Isasailalim sa Drug Testing ang suspek habang ang suspected illegal drugs na narekober ay nakatakdang dalhin sa RFU-BARMM para sa Laboratory Exam at proper custody.

Haharap ang suspek sa kasong paglabag sa RA 9165.