52 years old na lalaki, tiklo sa anti-illegal drug operation sa General Santos City

iMINDSPH

Kinilala ang suspek sa alyas na “Manoy” residente ng Purok Guardian Hill, Barangay Bawing, General Santos City.

Inaresto si alyas “Manoy” araw ng Miyerkules, April 2 sa Darussalam Bridge, Purok Darussalam, Barangay Bawing ng syudad.

Narekober ng otoridad sa suspek ang 22 sachets ng suspected shabu na tumitimbang ng 11.75 grams at may National Standard Drug Price valuation na ₱79,900.00.

Nasa kustodiya na ng Police Station 5, GSCPO ang naarestong suspek para sa proper disposition at paghahain ng kaukulang kaso.

Isasailalim naman sa laboratory examination ang mga nakuhang ebidensiya sa Regional Forensic Unit 12, Camp Fermin Lira Jr., Barangay Dadiangas West, General Santos City.