756 iskolar ng BSPTVET ng Cotabato City District Office, pormal na nagtapos sa iba’t ibang training

iMINDSPH

Sa ilalim ng Bangsamoro Scholarship Program – Technical Vocational Education and Training (BSPTVET) – TTPB: Libreng Training at Tekbok para sa Bangsamoro, pitong daan at limampu’t anim na mga iskolar ang matagumpay na nakapagtapos ng training mula sa Cotabato City District Office.

Nagtapos ang mga ito ng iba’t ibang technical-vocational courses gaya ng:

• Bread and Pastry Production NC II

• Bookkeeping NC III

• Carpentry NC II

• Computer System Servicing NC II

• Contact Center NC II

• Cookery NC II

• Driving NC II

• Electrical Installation and Maintenance NC II

• Electronic Production Assessment and Servicing NC II

• Healthcare Services NC II

• Housekeeping NC II

• Masonry NC II

• Pest Management (Vegetable) NC II

• Plumbing NC II

• Security NC I & II

Bukod sa mga sertipiko, ipinamahagi rin ang Training Support Fund (TSF) at allowance sa mga nagsipagtapos bilang dagdag na tulong para sa kanilang pagsisimula sa kani-kanilang napiling larangan.

Itinuturing ang nasabing aktibidad bilang malaking hakbang sa patuloy na pagsisikap ng Bangsamoro Government na maghatid ng inklusibong edukasyon at oportunidad sa kabuhayan.

Ang BSPTVET ay nagsisilbing tulay upang maihanda ang kabataan at komunidad sa mas maayos na hanapbuhay, kasabay ng paghubog ng kanilang kasanayan para sa pangmatagalang kaunlaran.