Construction worker na nahaharap sa kasong 2 counts ng rape sa Nabunturan, Davao de Oro, arestado sa Loon, Bohol

iMINDSPH

Sa Loon, Bohol, napasakamay ng awtoridad ang isang construction worker na kabilang sa Top 10 Most Wanted Persons Municipal Level. Nahaharap siya sa 2 counts ng qualified rape.

Naaresto ang suspek ng mga tauhan ng Montevista Municipal Police Station sa isang joint police operation noong Nobyembre 11, 2025, sa Loon, Bohol.

Ang suspek ay 45-anyos at nagtatrabaho bilang construction worker.

Ang mga pulis mula sa Montevista MPS, sa koordinasyon ng Anti-Kidnapping Group–Visayas Field Unit (AKG-VFU) Bohol Sub-Office, na nagsilbi ng warrant of arrest mula sa Regional Trial Court, Family Court, Branch 1, Nabunturan, Davao de Oro.

Nauna nang tinanggihan ng korte ang karapatang magpiyansa ng suspek dahil sa bigat ng mga kasong kinakaharap nito.

Nasa kustodiya ngayon ng AKG Bohol Sub-Office ang naarestong construction worker para sa dokumentasyon at pansamantalang detensyon.