Dagit-dagit driver sa Midsayap, Cotabato, binaril habang nakatayo sa isang tindahan!

iMINDSPH

Kinilala ang biktima na si Malambeg Samad Alipolo, residente ng Purok 4, Barangay Nes, Midsayap, Cotabato.

Binaril ito ng hindi pa kilalang salarin alas 10:40 ng umaga araw ng Miyerkules, April 2 sa Lower Glad ng bayan.

Ayon sa report ng otoridad, nakatayo lamang ang biktima sa isang tindahan ng barilin ng hindi pa kilalang salarin.

Nagtamo ang biktima ng tama ng baril sa bibig at dibdib na naging dahilan ng kanyang agarang kamatayan.

Inaalam pa ng otoridad ang motibo sa krimen.