ICM Abdulraof Macacua, binalaan ang mga LGU sa paghingi ng ‘porsyento’ sa mga contractor ng government projects

iMINDSPH

Sa pamamagitan ng MILG Memorandum Order No. 126, s. 2025, binalaan ni Chief Minister at Concurrent MILG Minister Abdulraof "Sammy Gambar" Macacua ang lahat ng LGUs laban sa umano’y panghihingi ng porsyento o “cuts” mula sa mga contractors ng government projects.

Ayon sa opisyal, malinaw aniya itong paglabag sa Anti-Graft and Corrupt Practices Act, Code of Conduct for Public Officials and Employees, at Bangsamoro Administrative Code.

Ang ganitong gawain ayon kay Macacua ay nagdudulot ng pagkaantala, pagka-abandona, o substandard na implementasyon ng mga proyekto.

Inaatasan nito ang lahat ng opisyal na mahigpit na sumunod sa batas upang hindi mahaharap sa kasong administratibo at hindi sasailalim sa criminal proceedings.