Inagurasyon ng seaport terminals sa Sibutu at Sitangkai, Tawi-Tawi, itinuturing ng MOTC BARMM na landmark event para sa maritime connectivity at economic growth ng rehiyon

iMINDSPH

Isinagawa ng MOTC BARMM ang inagurasyon ng seaport terminals sa bayan ng Sibutu at Sitangkai Tawi-Tawi, a-18 ng Abril.

Itinuturing ito ng MOTC BARMM na landmark event para sa maritime connectivity at economic growth ng rehiyon.

Personal itong dinaluhan ni MOTC Minister, Atty. Paisalin Tago, kasama ang mga opisyal ng ministry kung saan binigyang diin ng MOTC ang kahalahaga ng proyekto sa modernization ng transportation at public facilities.

Positibo ang MOTC BARMM na mapapaunlad ng mga bagong seaport terminals ang trade, tourism, at accessibility para sa mga residente at negosyo sa lugar.

Nakipagpulong din si Minister Tago kay Sibutu Mayor Nur-Fitra Ahaja at sa mga barangay officials at municipal officials ng Sitangkai.

Matapos ang pulong, ininspeksyon din ng MOTC officials ang Sanga Sanga Airport Terminal Building at isinailalim sa evaluation ang natapos nang konstruksyon sa proyekto.

Opisyal na rin na itinurnover ng MOTC BARMM, a-19 ng Abril, kay Mayor Jimuel Que at sa municipal officials ang Tourism and Information Assistance Center ng Sanga Sanga Airport, sa Bongao, Tawi-Tawi.