Industriya ng cacao sa South Cotabato, pinalalakas pa ng Provincial Government

iMINDSPH

Isinusulong ngayon ng Pamahalaang Panlalawigan ng South Cotabato ang pagpapaunlad ng cacao industry sa pamamagitan ng Southern Valley Cacao Industry Development Council (SVCIDC) — isang collaborative platform na nagbubuklod sa mga key players ng cacao value chain, mula sa mga magsasaka at processors hanggang sa mga negosyante at kooperatiba.

Sa pagtutulungan ng lokal na pamahalaan at pribadong sektor, layunin ng SVCIDC na tugunan ang mga hamon sa cacao industry, isulong ang sustainable farming practices, at paigtingin ang innovation at inclusivity sa produksyon.

Hangad ng konseho na makilala ang cacao ng South Cotabato hindi lamang sa bansa kundi maging sa buong mundo bilang world-class product — isang simbolo ng tagumpay at agricultural pride ng probinsya.