Mahigit 500 residente, benepisyaryo ng isinagawang medical outreach program ng Project TABANG sa bayan ng Upi, Maguindanao del Norte

iMINDSPH

Matagumpay ang isinagawang medical outreach program ng Project TABANG sa bayan ng Upi, Maguindanao del Norte.

Mahigit limang daang residente ang benepisyaryo ng programa sa bayan.

Isinagawa ito araw ng Huwebes, June 5 sa Nuro Gymnasium.

Hatid ng Project TABANG ang libreng medical check-up, gamot, dental extraction at minor surgical procedures tulad ng libreng Tuli.

Ito’y sa pakikipagtulungan ng tanggapan ni Bangsamoro Transition Authority (BTA) Member of Parliament Ramon Piang.

Namahagi rin ng gamot at healthcare kits ang Project TABANG at tiniyak na ang komunidad ay magkaroon ng access sa agarang medical support.

Nagpapasalamat naman si MP Piang sa pagtutulungan ng local health professionals, volunteers, at Project TABANG staff sa matagumpay na program.