MBHTE BARMM, aktibong nakilahok sa 2025 DAPAT review sa gitna ng patuloy na pagsusulong ng ahensiya ng reporma sa education delivery sa rehiyon

iMINDSPH

Isa ang MBHTE BARMM sa lumahok sa 2025 Directives, Accomplishment, and Performance Assessment Tracking o DAPAT, a-16 ng Mayo sa pakikipagtulungan ng Ministry of Finance, Budget and Management o MFBM.

Ang DAPAT initiative ay isang strategic accountability mechanism na nagbibigay sa mga ministries at agencies ng oportunidad para ipresinta ang kanilang physical at financial performance, tukuyin ang implementation challenges, at i-recalibrate ang kanilang plano na mas naayon sa prayoridad ng Bangsamoro Autonomous Region in Muslim Mindanao.

Ang sesyon ay pinangunahan ni Senior Minister Mohammad Yacob na nilahukan din ni BARMM Cabinet Secretary Mohammad Asnin Pendatun, Chief of Staff Jamel Macacua, MFBM Minister Ubaida Pacasem, at Palawan Mamaon, Chief of SPDA-BPDA.

Iprenesinta ni MBHTE Minister Mohagher Iqbal at mga key ministry officials ang mga updates at accomplishments sa iba’t ibang core programs sa Basic Education, Higher Education, Madaris Education, Technical-Vocational Education and Training (TVET), at Teacher Development.

Binigyang linaw din sa presentasyon ang operational gaps at priority areas para sa reporma.

Muling binigyang diin ng mga lumahok ang mahalagang papel ng edukasyon sa pagsusulong sa kapayapaan, kaunlaran at social equity sa BARMM.