Member of Parliament Tomanda Antok na chairperson ng Committee on Education at miyembro ng MSU Board of Regents, dumalo rin sa investiture ni dating MP Paisalin Tago at naghayag ng buong suporta

iMINDSPH

Dumalo si Member of Parliament Tomanda Antok, ang Chairperson ng Committee on Basic, Higher, and Technical Education (CBHTE) ng Bangsamoro Parliament at miyembro ng MSU Board of Regents, sa makasaysayang investiture ni Atty. Paisalin P. D. Tago, CPA bilang ika-siyam na Regular na Pangulo ng Mindanao State University System.

Ginanap ang investiture noong Agosto 13, 2025, sa Dimaporo Gymnasium, MSU Main Campus, Marawi City.

Ipinahayag ni MP Antok ang kanyang buong suporta sa liderato at bisyon ni Tago para sa MSU System. Kaniyang muling tiniyak ang pangako ng Bangsamoro Government na palakasin pa ang access sa dekalidad na edukasyon sa buong rehiyon.

Ang investiture ay isinagawa alinsunod sa tradisyon ng unibersidad at dinaluhan ng mga kilalang personalidad, kabilang sina Chief Minister Abdulraof Macacua, OPAPRU Secretary Carlito G. Galvez, Jr., at DILG Secretary Nasser Pangandaman Sr.

Ayon sa opisyal, ang makabuluhang okasyong ito ay nagsilbing panibagong yugto sa kasaysayan ng MSU—isang unibersidad na patuloy na nagsisilbing haligi ng edukasyon, pagkakaisa, at progreso sa Mindanao.