Menor de edad na misis, patay matapos pagsasaksakin ng kanyang mister na isang magsasaka sa Sultan Kudarat, Maguindanao del Norte

iMINDSPH

Arestado ang isang mister na magsasaka matapos nitong pagsasaksakin ang kanyang menor de edad na misis.

Naganap ang insidente, alas-3:50 ng hapon, araw ng Linggo, November 30 sa barangay Pinaring ng bayan.

Kinilala ang biktima sa alyas na “An”. Agad pa itong isinugod sa pagamutan matapos magtamo ng saksak sa iba’t ibang bahagi ng kanyang katawan, pero binawian rin ito ng buhay.

Naaresto naman ang mister nito na kinilala sa alyas na “Akmad”, 21-anyos.