Mga basketball enthusiast sa Sultan Mastura, Maguindanao del Norte, nagpamalas ng galing sa basketball league kontra droga sa bayan

iMINDSPH

Buong suporta ang ipinahayag ng lokal na pamahalaan ng Sultan Mastura, kasama ang iba pang opisyal ng bayan, sa isinagawang basketball league kontra droga na dinaluhan ng mga basketball enthusiast sa bayan.

Sa temang “Alay sa Kabataan, Ayaw sa Droga Basketball League,” nagtagisan ng galing ang mga manlalaro mula sa iba’t ibang barangay, kung saan ipinamalas nila ang kanilang husay sa basketball at magandang sportsmanship.

Layon ng lokal na pamahalaan na ituon sa sports ang atensyon ng mga kabataan at mailayo sila sa bisyo tulad ng droga, upang mapanatili ang kapayapaan at kaayusan ng komunidad.