MPW–BARMM at District Engineering Office, nakipag-ugnayan sa Sultan Mastura LGU

iMINDSPH

Isinagawa ang coordination meeting noong December 16, 2025, kasama si Sultan Mastura Mayor Datu Armando Mastura, bilang paghahanda sa pagtatayo ng isang palapag na gusali ng paaralan na may dalawang silid-aralan sa Barangay Macabiso, Sultan Mastura, Maguindanao del Norte.

Ayon sa mga opisyal, ang proyekto ay bahagi ng pagsisikap na mapalawak ang access sa dekalidad na edukasyon at matugunan ang pangangailangan ng mga mag-aaral sa Basic at Madaris Education sa nasabing barangay.

Nakatakdang isagawa ang groundbreaking ceremony sa December 20, 2025, ganap na ala-una ng hapon, sa Barangay Macabiso, Sultan Mastura, Maguindanao del Norte.

Inaasahang dadalo rito ang mga kinatawan ng Ministry of Public Works–BARMM, Maguindanao del Norte District Engineering Office, at ng lokal na pamahalaan.

Layunin ng proyekto na magbigay ng mas maayos at sapat na pasilidad sa pag-aaral, bilang suporta sa edukasyon at pag-unlad ng kabataan sa komunidad.