Orientation hinggil sa functions at service ng PESO sa bayan ng GSKP at Paglat, Maguindanao del Sur, isinagawa ng MOLE BARMM

iMINDSPH

Upang isulong ang mahusay at localized employment facilitation, nagsagawa ng serye ng Technical Support Orientation ang MOLE sa mga personnel ng LGU General Salipada K. Pendatun at Paglat sa Maguindanao del Sur hinggil sa functions at services ng Public Employment Service Office o PESO.

Isinagawa ang serye ng orientation mula June 2 hanggang June 3. Pinangunahan ito ng Bureau of Employment Promotion and Welfare o BEPW.

Tinalakay naman ni BEPW Director Sara Jane Sinsuat sa orientation ang salient provisions ng Republic Act No. 8759, o ang PESO Act of 1999 at ang R.A. No. 10691.

Binigyang diin nito ang papel ng PESO kabilang na ang career guidance at employment coaching, job referrals at placement, labor market information, at linkages sa pagitan ng employers at iba pang government programs.

Pinag-usapan din ang “10 Steps to PESO Institutionalization” ayon sa national labor policies.