iMINDSPH
Inanunsyo ng MSSD sa ginanap na provincial assembly sa Marawi City, a-19 ng Pebrero-
Na umabot na sa 15 billion, 398 million, 539 thousand 689 pesos at 68 centavos na kabuuang alokasyon na social services ang tinanggap ng Lanao del Sur mula sa national at regional programs ng MSSD BARMM mula taong 2019 hanggang kasalukuyan.
Key highlight ng assembly ang presentasyon ni Minister Raissa Jajurie hinggil sa accomplishments ng MSSD at interventions kaugnay sa social services agenda sa probinsya.
Ayon sa MSSD, ang regional allocation ay may kabuuang PhP 3,130,454,329.68, mula sa General Appropriations Act of the Bangsamoro o GAAB, Transitional Development Impact Fund o TDIF at Special Development Fund o SDF.
Ang national allocation naman mula 2019 hanggang 2024 ay nagkakahalaga ng PhP 12,268,085,360.00.
Ito sa mga programang Pantawid Pamilyang Pilipino Program, Sustainable Livelihood Program, Social Pension para sa Indigent Senior Citizens, Supplementary Feeding Program. Social Amelioration Program at Centenarian Program.
Sa ibinahaging impormasyon ng MSSD, sinabi naman ni Lanao del Sur Governor Mamintal Adiong Jr. ang patuloy na commitment ng local government sa pagsuporta sa lahat ng initiatives ng MSSD.
Ginawaran naman ng Plaques of recognition ang Provincial Government ng Lanao del Sur, Municipal Local Government Units, Municipal Social Welfare Offices, at development partners sa invaluable contributions ng mga ito sa matagumpay na delivery ng mga program at services ng MSSD.
Pinangunahan din ng MSSD ang induction at oath-taking ng sampung newly hired at appointed MSSD staff sa Lanao del Sur provincial office.
Kinilala din ang tatlong outstanding field social workers dahil sa kanilang exceptional dedication at service sa Bangsamoro community.
Sinabi rin ni Minister Jajurie ang plano ng ministry na pagtatatag ng social service facilities sa Lanao del Sur simula ngayong taon kabilang dito ang Social Development Center, Bayt-Al-Amal o Bahay Pag-asa, Orphanage, Kanlungan Center o women’s residential care. Legacy House para sa mga senior citizens, at Center for Persons with Disabilities o CPWD.
Ang Lanao del Sur provincial assembly ang pang huli at anim na provincial assemblies ng MSSD across sa Bangsamoro region.
Comments