P150K livelihood grant, tinanggap ng maraming associations’ workers sa BARMM sa ilalim ng BREED program ng MOLE

iMINDSPH

Ilang workers’ associations mula sa Maguindanao del Sur, Maguindanao del Norte, Cotabato City, at Special Geographic Area (SGA) ang tumanggap ng livelihood grants sa ilalim ng Bangsamoro Rural Employment through Entrepreneurial Development (BREED) program ng Ministry of Labor and Employment (MOLE) noong August 12, 2025 sa Office ni Member of Parliament (MP) Abdulbasit Benito sa Tamontaka 1.

Ang hakbang ay ipinatupad ng MOLE, na may pondo mula sa Transitional Development Impact Fund (TDIF) allocation ni MP Benito. Bawat beneficiary association ay nakatanggap ng P150,000 para mapalakas ang kanilang livelihood projects.

Kabilang sa mga benepisyaryo ang mga grupo mula sa iba’t ibang sektor gaya ng youth, women, farmers, fisherfolk, at academe. Lahat sila ay miyembro ng League of Bangsamoro Organizations (LBO), na ngayon ay may higit 700 member groups sa buong Bangsamoro Autonomous Region.

Ayon kay MP Benito, layunin ng BREED–TDIF program na pasiglahin ang rural economy, palakasin ang self-reliance ng mga komunidad, at mabawasan ang unemployment sa rehiyon.

Para naman kay MOLE Minister Muslimin “Bapa Mus” Sema, ang mga programa ng Government of the Day ay bunga ng matagal na laban para sa self-determination ng Bangsamoro.

Kasama rin sa turnover ceremony sina MOLE Bangsamoro Director General Surab Abutazil, Jr. at Special Concerns Consultant Carlito Coloso.

Sa pamamagitan ng BREED–TDIF program, pinatitibay ng MOLE ang partnership nito sa Bangsamoro Transition Authority (BTA) Parliament para masiguro na ang public resources ay direktang makatutulong sa mga komunidad na higit na nangangailangan.