P2.5 million halaga ng smuggled cigarettes, nasamsam ng otoridad sa Indanan, Sulu

iMINDSPH

Limampung kahon laman ang 25,000 na pakete ng assorted na ipinuslit na sigarilyo ang narekober ng otoridad sa operasyon, a-28 ng Pebrero sa Barangay Kajatian.

Nadiskubre ito sa isang bakanteng lote sa nasabing barangay.

Agad dinala sa Indanan Municipal Police station ang mga nakumpiskang kontrabando para sa documentation at inventory bago isinumite sa CIDG Sulu Provincial Force Unit at dadalhin sa Bureau of Customs.

Ang matagumpay na operasyon ay pinagsamang ikinasa ng mga elemento ng Criminal Investigation and Detection Group (CIDG) Sulu Provincial Force Unit, Sulu Provincial Intelligence Team-RIU 9, Regional Mobile Force Battalion 14-B, at Sulu Police Provincial Office’s 1st Provincial Mobile Force Company, kasama ang Provincial Intelligence Unit at Indanan Municipal Police Station.