iMINDSPH
Mahigit kumulang isang libong gramo ng suspected shabu na may estimated market value na 6.8 million pesos ang nasamsam ng PDEA 9 sa buy-bust operation sa Barangay San Roque, Zamboanga City.
Ikinasa ang operasyon, alas 12:40 ng hapon, araw ng Huwebes, March 6.
Tiklo sa buy-bust ang isang 20-anyos na construction worker, 39-anyos at 36-anyos na habal-habal driver, at isang 42-anyos na kuliglig driver, pawang mga residente ng Barangay San Roque.
Ang suspected illegal drugs ay inilagay sa vacuum-sealed plastic sachets na ipinasok sa isang tea bag. Narekober din ng otoridad ang iba’t ibang non-drug evidence, boodle money, cellphone at dalawang motorsiklo.
Haharap ang mga naaresto sa kasong paglabag sa Section 5 of Republic Act No. 9165, o ang Comprehensive Dangerous Drugs Act of 2002.
Katuwang ng PDEA 9 sa operasyon ang Regional Special Enforcement Team, sa pakikipagtulungan ng Zamboanga City Office, PNP City Drug Enforcement Unit at PNP Criminal Investigation Unit.
Commenti