P6.8 million suspected shabu, nasamsam ng mga elemento ng PNP PRO BAR sa buy-bust operation sa Marawi City; High-Value Drug Suspect, arestado

iMINDSPH

Isinagawa ang operasyon ala 7:00 ng gabi, araw ng Martes, June 10 sa Barangay Lilod Saduc ng syudad kung saan nakumpiska ang suspected shabu na isinilid sa anim na sachet.

Arestado sa operasyon ang isang High-Value Drug Suspect.

Bukod sa ilegal na droga, nakumpiska rin ng awtoridad ang buy-bust money at motorsiklo.

Ang operasyon ay ikinasa ng awtoridad kasunod ng month-long intelligence gathering at surveillance sa suspek.

Hawak na ng Marawi City Police Station ang naarestong suspek at mga nakumpiskang ebidensiya para sa dokumentasyon at paghahain ng kaukulang kaso.