Panukalang 450 million pesos Cold Storage Facility, itinutulak sa Sangguniang Panlalawigan ng Cotabato

iMINDSPH

Umusad ang panukalang ₱540-milyong cold storage facility sa Lalawigan ng Cotabato matapos magtipon ang mga pangunahing opisyal at stakeholders noong Agosto 20, 2025 sa Provincial Planning and Development Office.

Sa pagpupulong, tinalakay nang masinsinan ang mahahalagang aspeto ng proyekto, kabilang ang teknikal, pinansyal, at operational requirements. Binigyang-diin din ang pagtukoy ng mga posibleng partners at investors upang matiyak ang tagumpay ng inisyatiba.

Layunin ng cold storage facility na magsilbing pangunahing hub para sa pagpreserba ng mga produktong agrikultural, bawasan ang post-harvest losses, at palakasin ang agro-industrial base ng lalawigan.

Dumalo sa pagpupulong sina Vice Governor Ella Taliño Taray, Provincial Planning and Development Coordinator (PPDC) Edelyn Vargas, PEO III Assistant Provincial Engineer Engr. Domingo Doyongan Jr., mga kinatawan mula sa Provincial Advisory Council (PAC) Amalia Datucan at Eliseo Mangliwan, kasama ang iba pang lider at stakeholders.

Ang proyektong ito ay inaasahang magbibigay ng malaking tulong sa mga magsasaka at magbubukas ng mas maraming oportunidad para sa kaunlaran ng agrikultura at ekonomiya ng Cotabato.