Panukalang batas na magtatatag ng kauna-unahang comprehensive public financial management law sa rehiyon, aprubado na ng Bangsamoro Parliament sa 3rd at final reading

iMINDSPH

Inaprubahan na sa 3rd and final reading ng Bangsamoro Parliament ang Bangsamoro Budget System Act o BBSA, isang panukalang batas na magtatatag ng kauna-unahang comprehensive public financial management law sa rehiyon at magpapataw ng mas matibay na rules sa transparency, fiscal discipline, at citizen participation sa pagbalangkas ng regional budget.

Pinagbubuklod ng batas ang lahat ng patakaran sa pagba-budget sa iisang balangkas at nagtatakda ng mahahalagang reporma, kabilang ang cash-based budgeting, paggamit ng iisang treasury account, mahigpit na kontrol sa lump-sum funds, transparency seals para sa lahat ng ministry at government corporation, at ang paglalathala ng isang madaling-maunawaang People’s Budget para sa publiko.