Parliament Bill No. 225 o ang Bangsamoro Regional Hospital and Medical Center Act of 2025 aprubado na ng BTA Parliament sa second reading

iMINDSPH

Bukod sa pag apruba sa Parliament Bill No. 246 o ang Iranon Provincial Hospital Act of 2023 sa third at final reading-

Inaprubahan din ng BTA Parliament sa second reading sa pamamagitan ng voice vote ang Parliament Bill No. 225 o ang Bangsamoro Regional Hospital and Medical Center Act of 2025.

Ipinanukala ng isinusulong na batas ang conversion ng Maguindanao Provincial Hospital sa Datu Hoffer Ampatuan, Maguindanao del Sur na maging Level 3 hospital na mayroong 350-bed capacity.

Sinabi ni Bangsamoro Parliament Health Committee Chair Hashemi Dilangalen na kapag maaprubahan, iko-convert na ang pagamutan sa isang apex o end referral hospital na may kakayahan pagdating sa specialized medical services.

Naka attached naman sa approved committee ang certificate of availability of funds, na sinertipikahan ng Ministry of Finance, Budget, and Management.