Philippine Red Cross at LGU Sultan Mastura, nagkaisa sa pagtataguyod ng kahandaan sa sakuna

iMINDSPH

Nakipagpulong ang Philippine Red Cross kay Sultan Mastura Mayor Datu Armando Mastura Sr, upang pagtibayin ang kanilang partnership para sa mas matatag at ligtas na komunidad laban sa mga sakuna.

Sa isinigawang pagpupulong, tinalakay ang pagpapalakas ng koordinasyon sa pagitan ng Philippine Red Cross at LGU Sultan Mastura para sa pagpapatupad ng mga programang nakatuon sa disaster preparedness, emergency response at community resilience.

Kasama sa mga napagkasunduan ang pagsasagawa ng mga pagsasanay at aktibidad na magpapataas sa kahandaan ng mga mamamayan sa pagharap sa kalamidad.