PINAGBABAWALAN NG LIDERATO NG MILF

iMINDSPH

Pinagbabawalan ng liderato ng Moro Islamic Liberation Front (MILF) ang lahat ng kanilang front commanders, base commanders, deputy commanders, o heads ng ibang line agencies ng organisasyon at kanilang representante na dumalo at lumahok sa anumang decommissioning o normalization activities na inorganisa ng National Government at Office of the Presidential Adviser on Peace, Reconciliation and Unity (OPAPRU) kung walang written approval o prior authorization mula kay MILF Chairman Al Hajj Murad Ebrahim.

Ito ang nakasaad sa Memorandum Order No. 037 series of 2025 na inilabas ng MILF Central Committee, na may petsa na August 16, 2025.

Ang direktiba ay kasunod ng July 19, 2025 Resolution ng MILF Central Committee na pansamantalang nagsususpende sa ika-apat at final phase ng decommissioning process.

Nakasaad din sa memorandum na ang sinumang susuway sa kautusan ay may kaukulang kaparusahan na maaring maging grounds ng administrative at disciplinary action.