Project TABANG at Development Academy of the Bangsamoro, nagsama sa 3 araw na training hinggil sa Effective Management on Inventory System

iMINDSPH

Upang palakasin ang accountability at operational efficiency, ikinasa ng Project TABANG at Development Academy of the Bangsamoro ang tatlong araw ng training hinggil sa Effective Management on Inventory System.

Isinagawa ito mula June 10 hanggang June 12.

Layunin ng training na magiging equipped ang key personnel ng Project TABANG sa mga kaalaman hinggil sa pag-manage ng inventories, partikular na ang accurate tracking, documentation, at classification ng goods at supplies na ipinamamahagi sa Bangsamoro communities.

Tinalakay din ang core principles at kahalagahan ng sound inventory management, na nakatutok sa auditing procedures, spot-checking, stock monitoring, at mga mekanismo para sa pagtiyak sa transparency sa paghahatid ng serbisyo.

Ibinahagi rin ang TABANG Database Management Information System o TDMIS na dinisensyo para i-digitalize at i-centralize ang mga data sa isang real-time inventory monitoring at control.

Bilang isa sa mga flagship programs ng Bangsamoro Government, patuloy ang Project TABANG sa pagtataguyod ng misyon ng BARMM Government sa paghahatid ng napapanahon, responsive, at data-driven services na tugma sa pangangailangan ng Bangsamoro people sa komunidad.