Project TABANG ng Office of the Chief Minister, namahagi ng libreng gamot sa 611 na benepisyaryo sa SGA

iMINDSPH

Patuloy ang pamamahagi ng libreng gamot ng Project Tulong Alay sa Bangsamorong Nangangailangan o TABANG sa mga mamamayan ng rehiyon.

Sa pamamagitan ng Serbisyong Ayudang Medikal o SAM, na isang sub-program ng Project TABANG na naglalayong magpaabot ng medical assistance at accessible healthcare services sa mga komunidad, namahagi ng libreng gamot sa nasa animnaraan at labing-isang benepisyaryo sa Old Kaabakan, SGA.

Bukod sa libreng gamot, nagkaroon din ng iba pang medical services upang agad na matugunan ang kanilang mga pangangailangan medikal at pangkalusugan.