Sanga-Sanga Airport parking lot, pormal nang itinurn over ng MOTC BARMM

iMINDSPH

Pormal na isinagawa ng Bangsamoro Airport Authority (BAA), katuwang ang Ministry of Transportation and Communications (MoTC), ang turnover ceremony para sa bagong gawang Sanga-Sanga Airport Parking Lot noong ika-11 ng Disyembre, na dinaluhan ng mga opisyal mula sa regional at local government units.

Binigyang-diin ni BAA Director Atty. Ranibai Dilangalen ang kahalagahan ng proyekto sa pagpapahusay ng pasilidad ng paliparan at sa pagbibigay ng mas maayos at maginhawang karanasan sa mga pasahero.

Nagpahayag din ng suporta sina Board Member Melhan Masdal, kinatawan ni Governor Yshmael Sali, at MoTC Minister Termizie Masahud, na kapwa tumutukoy sa sama-samang pagpupunyagi para patatagin ang imprastrukturang pang-transportasyon sa Tawi-Tawi.

Nagpahayag naman ng pasasalamat si Carmencita Salik, BAA Area Manager, sa lahat ng katuwang at stakeholders na naging bahagi ng proyekto.

Ang pagkumpleto at pormal na turnover ng parking lot ay patunay sa patuloy na pangako ng Bangsamoro Government na maghatid ng pinahusay, inklusibo, at maaasahang airport services sa buong rehiyon.